Мы пачынаем новую рубрыку #TraveltoDobrush!, у якой гаворым пра месцы, якія трэба наведаць.
У Карме відавочна адчуваецца Боская прысутнасць. Галоўнай турыстычнай Мекай населенага пункта з'яўляецца Свята-Пакроўская царква, збудаваная з цэглы ў XIX стагоддзі. Незвычайная яна тым, што ў ёй знаходзяцца нятленныя мошчы протаіерэя Іаана Гашкевіча-святара Свята-Мікалаеўскай царквы з Агародні-Гомельскай. Гашкевіч прылічаны Праваслаўнай царквой у 1998 годзе да аблічча Святых зямлі Беларускай. У гонар Святога на тэрыторыі храма адкрыты Свята-Іаанаўскі жаночы манастыр.
Карма - гэта невялікі аграгарадок у Добрушскім раёне, размешчаны ў 17 км ад Добруша і ў 45 км ад Гомеля. Населены пункт мае вялікую гісторыю: ён узгадваецца ў інвентары Гомельскага староства 1560 года, а таксама ў “Адмоўнай кнізе” імператрыцы Кацярыны II.
Кармянскі край памятае нямала вялікіх і таленавітых людзей. Яна з'яўляецца родным домам для Івана Пятровіча Шамякіна - вядомага інтэлектуала і народнага пісьменніка Беларусі. У гонар вялікага класіка названа мясцовая бібліятэка, якая носіць з 2016 года яго імя. У 2006 годзе быў устаноўлены яго бюст. Але не толькі Шамякіным адзіным вядомы на персаналіі маленькі аграгарадок. Акім Міхайлавіч Шаўчэнка - яркі таму прыклад. Гэта даволі вядомы беларускі мастак-жывапісец, каларыст.
З добрушскай аўтастанцыі рэгулярна ў буднія дні адпраўляюцца аўтобусы Добруш - Чырвоны Партызан з прыпынкамі ў Карме. Таксама да Кармы можна дабрацца (штодзённы маршрут) прамым рэйсам з Гомеля на мікрааўтобусе Гомель-Харошаўка, які праязджае таксама праз Добруш.
